• Таным
• 22 Шілде, 2025

Биыл E-museum веб-порталы іске қосылады

Жаңа платформа әлемнің кез келген жеріндегі қолданушылардың еліміздің мәдени мұрасын 3D үлгілер мен интерактивті форматта көруіне мүмкіндік береді. Бұл туралы Мәдениет және ақпарат министрі Аида Балаева «Айқын» газетіне берген сұхбатында айтты.

«Мәдениет цифрланбаса – ол тұйық­талады. Қазіргі ұрпақ ақпаратты визуалды, интерактивті түрде қабылдайды. Демек, егер біз жастарды ұлттық мәдениетке тартқымыз келсе, оны солардың тілімен, цифрлық ортада сөйлетуіміз керек. Бұған қоса, цифрландыру – мұраны сақтау кепілі», - деді министр.

Сондай-ақ «Ежелгі Тараз ескерткіштері» тарихи-мәдени музей-қорығының қор­ғауындағы «Айша бибі кесенесі» ескерт­кішінде электрондық билет жүйесін енгізу жұмыстары қолға алынған. Жүйе бейне­камерамен, турникетпен жаб­дықталып, нысанға кіру Face id немесе  ID card арқылы жүргізіледі.

Фото: дереккөзден алынды