• АҚПАРАТ АҒЫНЫ
• 08 Қараша, 2025

Павлодарда құлаған мектеп ғимаратының астынан адамның денесі табылды

Облыстық Төтенше жағдайлар департаментінің мәліметінше, мәйіт бүгін таңғы сағат 4:31-де қирандылардың астынан табылған.

Құтқарушылардың ақпараты бойынша, кинологтар мен құтқарушылар апаттық-құтқару жабдықтары мен тепловизорды пайдаланып, ер адамның жатқан жерін анықтаған.

- Таңертең іздестіру жұмыстарын жүргізгеннен кейін құтқарушылар мәйітті үйінді арасынан тауып алып шықты, - деп қосты Павлодар облысы ТЖД.

Естеріңізге сала кетейік, 7 қарашада Павлодарда салынып жатқан мектеп ғимаратының бір бөлігі опырылып, бірнеше адам зардап шеккен.

Фото: ҚР ТЖМ