• Фотогалерея
• 16 Қараша, 2025

Қарашада қатқан көрініс

Іле Алатауы мемлекеттік ұлттық табиғи паркіндегі Есік көлінің қарашадағы тынысы ерекше бір сұлулыққа толы. Күн суыта бастаған шақта көл бетін жұқа әйнектей мөлдір мұз қыртысы жапқанымен, астында әлі де баяу толқып жатқан су қозғалысы сезіледі. Мұздың үстінде пайда болған ақшыл іздер мен толқын тәрізді сызықтар табиғаттың өз қолтаңбасындай әсер қалдырады.

Жағаны жағалай қоршаған биік шыршалар мен қою жасыл қарағайлар көл айдынына айқын көрініс болып төгіліп тұр. Қар басқан етектер мен ағаш арасындағы ақшыл дақтар судың көгілдір түгіне ерекше рең беріп, айналаны тыныштыққа бөлегендей. Тау бөктеріндегі қыналы тастар мен ақ қардың үйлесімі көл айдынындағы жасыл-сұрғылт түстермен араласып, бір көрген жанды баурап алатын көркем көрініс жасайды.

Табиғаттың осы сәті — тыныштық пен сұлулықтың шынайы тоғысқан шағы. Мұны тек көру керек, сезіну керек.

Суреттерді түсірген - Досжан Балабекұлы