• АҚПАРАТ АҒЫНЫ
• 17 Қараша, 2025

Есірткі жеткізудің 3 халықаралық және 3 аймақтық арнасы жойылды - ҰҚК

Ұлттық қауіпсіздік комитеті есірткі, психотроптық заттар мен прекурсорлардың заңсыз айналымымен күрес бойынша жұмысты жалғастыруда.
2025 жылдың қазанынан ҰҚК есірткі саудасының жолын кесуге қатысты 10 операция жүргізді, нәтижесінде есірткіні жеткізудің 3 халықаралық және 3 аймақтық арнасы, сондай-ақ жер асты зертханасы мен есірткі плантациясы жойылды.
Заңсыз айналымнан 622 кг есірткі, соның ішінде психотроптық заттар, гашиш және марихуана тәркіленді.

Аталған құқық бұзушылықтарды жасады деген күдікпен соттың санкциясымен 12 Қазақстан азаматы мен 3 шетелдік қамауға алынды.
Сотқа дейінгі тергеп-тексерулер жүргізілуде.
Қылмыстық-процестік кодекстің 201-бабына сәйкес өзге ақпарат жария етуге жатпайды.