• Құмсағат
• 17 Қараша, 2025

Алматыда 2025 жылғы жүгіру маусымы аяқталды

16 қараша күні қала орталығында «Бірінші болу - батылдық» қоры ұйымдастырған City Run өтіп, оған 2 500 адам қатысты.

Жыл бойы маусымға 40 мыңнан астам адам қатысқан. Оның ішінде 18 мыңға жуық әйел бар. Бұл өткен жылмен салыстырғанда 20% көп.

Шетелдік жүгірушілер саны да айтарлықтай артты. 14-ші Almaty Marathon 60 елден 16 149 қатысушының басын қосты, оның 1 363-і шетелдіктер. Бұл тарихи рекорд.

City Run іс-шарасы Алматы қаласы әкімдігінің қолдауымен өтті. Бұл Қазақстандағы AIMS халықаралық марафондар қауымдастығының күнтізбесіне енген жалғыз жарыс. AIMS 115 елдегі 445-тен астам жүгіру сайысын біріктіреді.

Шетелден келген қатысушылардың шамамен 80%-ы Алматыға қайта келуді жоспарлап отыр.

Зерттеулерге сәйкес, марафон өткен екі күн ішінде қатысушылар шамамен 8 миллион теңге жұмсаған. Ал серіктес компаниялардың соңғы төрт жылдағы салық түсімі 318,9 миллион теңгеден 873,9 миллион теңгеге дейін өсіп, үш есеге жуық артқан.

Фото: gov.kz