• Фотогалерея
• 27 Қараша, 2025

Алматыда «Менің елім – жыр елі» атты кеш өтті

«Геральдикалық зерттеу орталығы» және «Ұлан» газетінің ұйымдастыруымен қазақтың көрнекті ақыны Жұмекен Нәжімеденовтің туғанына 90 жыл және «Ұлан» газетінің 95 жылдығына орай «Менің елім – жыр елі» кеші өтті. Бұл туралы kazgazeta.kz тілшісі хабарлайды. 

Кеште "Sardar G" баспасынан шыққан Жұмекен Нәжімеденовтің таңдамалы шығармаларынан тұратын жаңа кітаптың таныстырылымы болды.

Іс-шараның құрметті қонағы Ақұштап Бақтыгереева, Қасымхан Бегман, Өтеген Оралбаев, Ділдәр Мамырбаева, Заря Жұманова, Алмас Ахметбек, Бақытжан Алдияр, ақынның ұрпақтары Саида Жұмекенқызы мен Самал Дәрібаев, «Ұланның» жас тілшілері болды.

Сондай-ақ оқушылар асыға күткен «Туған жерім менің Қазақстаным» байқауының жеңімпаздары марапатталды. 

Үздік деп танылған Кәусар Шалқар 1-орын алып, 70 кітапқа ие болды. Ал 2-орын иегеріне 50 кітап табысталса, 3-орын алған оқушы 30 кітап жеңіп алды. Сондай-ақ 7 ынталандыру сыйлығының иегері 10 кітаптан алды.

Суреттерді түсірген - Досжан Балабекұлы