• АҚПАРАТ АҒЫНЫ
• 10 Желтоқсан, 2025

Электрлі самокат мінгендерге салынатын айыппұл көлемі белгілі болды

Мәжіліс электросамокат пайдаланушыларға қатысты жаңа заңды мақұлдады. Енді олар жол ережесін бұзған жағдайда көлік жүргізушілерімен бірдей жауапкершілікке тартылады.

Жаңа талапқа сәйкес:

Ережені алғаш рет бұзса - 4325 теңге;

Бір жыл ішінде қайталанса - 43 мың 250 теңге;

Жарақат келтірген жол апатына себепкер болса - 43 мың 250 теңге.

Сонымен қатар 12 сағаттық қоғамдық жұмыс немесе 3 тәулікке қамау жазасы қарастырылған.

Кикшеринг компаниялары да жауап береді. Басқару құқығы жоқ адамға самокат беру - 108 125 теңге, ал ондай адам қатысқан жол апатында - 173 000 теңге айыппұл қарастырылған.

Фото: Whoosh