• АҚПАРАТ АҒЫНЫ
• 14 Желтоқсан, 2025

Қазақстандық офтальмолог халықаралық марапатқа ие болды

Дәрігер Мұхит Кұлмағанбетов Hong Kong ICT Awards 2025 байқауында жеңіске жетті. Оның стартапы EntopticaICT Startup Award — Hardware and Device номинациясында, ал SLOPE құрылғысы алтын жүлде алды.

Жаңа технология жасқа байланысты торлы қабық ауруларын ерте кезеңде, операциясыз және ауыртпалықсыз анықтауға мүмкіндік береді, бұл көру қабілетін сақтауға көмектеседі.

Кұлмағанбетов — Қызылорда облысы тумасы, кванттық офтальмологияның өкілі, мұнда диагностика мен емдеуде хирургиялық құралдар емес, жарық пен толқын қасиеттері қолданылады.

Ол технологияларды Қазақстанда енгізіп, офтальмологиялық көмекті қолжетімді әрі тиімді етуді жоспарлап отыр.