• АҚПАРАТ АҒЫНЫ
• 14 Желтоқсан, 2025

 Дзюдо секциясы 2026 жылдан бастап 217 мектепте енгізіледі

Мемлекет басшысының тапсырмасы бойынша 2026 жылдан бастап еліміздің 217 мектебінде дзюдо секциялық форматта енгізіледі. Алдағы үш жылда бағдарлама 1 мың мектепке дейін кеңейтіледі, басымдық ауыл мектептеріне беріледі.

Бағдарлама аясында бапкерлерді дайындауға да көңіл бөлінеді.

Дзюдо тек спорт емес, сонымен қатар тәрбиелік мәні жоғары: сабырлық, төзімділік, тәртіпке бағыну, қарсыласты құрметтеу дағдылары қалыптасады. Бұл спорт қауіпсіз және ұлдар мен қыздар үшін қолайлы, аса шығынды талап етпейді.

 Дереккөз: Руслан Желдібай