• Аймақ тынысы
• 21 Қаңтар, 2026

Оралда өрт кезінде 6 адам құтқарылды

ТЖМ өртсөндірушілері өрт кезінде 6 адамды құтқарды.
Орал қаласында, Самал көшесінде, тоғыз қабатты тұрғын үйдің алтыншы қабатындағы баспалдақ алаңында жеке заттар өртенді.
Оқиға орнына ТЖМ бөлімшелері жедел жетті. Құтқарушылар баспалдақ маршы арқылы 6 адамды, соның ішінде 4 баланы құтқарды. 30 тұрғын өз бетінше эвакуацияланды
Өрт сөндірушілердің үйлесімді іс-әрекеттерінің арқасында өрт шағын аумақта сөндірілді.
ТЖМ азаматтарды баспалдақ маршыларын және алаңдарын жанғыш материалдармен, жиһаздармен және жеке заттармен толтырмауға шақырады, себебі бұл эвакуацияға кедергі келтіріп, өрттің таралу қаупін арттырады.