• Басты ақпарат
• 09 Наурыз, 2015

ОСК: ҚР президенттігіне үміткерлердің бірі – шетел азаматы

Президенттік сайлауға қатысуға өзін-өзі ұсынған бір кандидат  Қазақстанның азаматы емес. Уәлихан Қайсаров кандидат болып дауысқа түсуге ниет білдіру туралы өтінішінде басқа мемлекеттің азаматы екендігін өз қолымен көрсетті,-деп хабарлайды 24.kz.

Бұл туралы бүгін Орталық сайлау комиссиясының кезекті брифингінде комиссия мүшесі Ләззат Сүлеймен мәлімдеді.

Оның айтуынша, комиссия аталған деректер бойынша Ішкі істер министрлігіне сұрау жіберді. Сондай-ақ, осы кандидат мемлекеттік тілде толтырған өмірбаяндық деректерде бірнеше қателер  жіберген.

Ағымдағы жылы наурыз айының 2-9 аралығында  Орталық сайлау комиссиясына Қазақстан Республикасының Президенттігіне  барлығы 14 өтініш келіп түсті. Біреуін «Қазақстан Коммунистік Халық партиясы болса, қалған 13 кандидат өзін-өзі ұсынды.