• АҚПАРАТ АҒЫНЫ
• 14 Наурыз, 2016

И.Тасмағамбетов алғашқы қазақстандық патрон зауытының іргетасын қалады (ФОТО)

Ұлттық қауіпсіздіктің қажетті деңгейін қамтамасыз ету, қазақстандық өнімді арттыру, сондай-ақ атыс қаруына арналған қолда бар патрондар қорының азайтылуын назарға ала отырып, ҚР Қарулы Күштерінде анағұрлым сұранысқа ие 5,45*39 мм, 7,62*54 мм, 9*18 мм, 9*19 мм калибрлі патрондарды өндіретін зауыт салу жоспарланып отыр.

Осы жоба аясында «Сарыарқа» арнайы экономикалық аймағының аумағында ғимарат кешені мен патрон зауытының салу жоспарланып отыр. Арнайы экономикалық аймақтың аумағында барлық инженерлік коммуникациялар, авто және теміржол көлігі бар. Бұл орталықтандырылған түрде алаңнан тыс инженерлік магистральдерге ішкі алаңдық желілерді қосу, сондай-ақ Қазақстанның кез-келген өңіріне қару-жарақ қоймаларына автомобиль және теміржол көлігімен өнімді шығаруды жүзеге асыру мүмкіндігін береді. Құрылыстың жалпы ауданы 26 400 шаршы метр. Құрылыс жұмыстарын аяқтау 2017 жылдың желтоқсан айына жоспарланған.

«Патрон зауыты ұзақ жылдар бойы ел ішінде шикізат пен материалдар тасымалдауға сұранысты тұрақты қамтамасыз етеді. Жез сияқты қорытпаның 300 тоннасын қолдану аймақтағы мамандандырылған кәсіпорынның жұмысын жандандырады. Арнайы экономикалық аймақ тәртібі жағдайында да қазақстандық патрон зауыты салық түрінде өңірдің бюджетіне жылына 680 млн теңге қаржы түсіреді. Бұл біздің ең қарапайым болжам» - дейді «Қазтехнологиялар» АҚ басқарма төрағасы Медер Маселов.

Аталған өндірістің жұмысы Қазақстанның ұзақ мерзімді атыс қару-жарағының оқ-дәрілерін өндіретін елдер қатарына енуіне мүмкіндік береді. Қазірдің өзінде «Қазтехнологиялар» АҚ зауыт өнімін экспорттау бойынша келіссөздер жүргізіп жатыр. Атап айтқанда, «Kadex-2016» көрмесі аясында әртүрлі мемлекеттерге өнім жеткізу жөнінде келісімге қол қою жоспарланып отыр.

Қазіргі уақытта Қазақстан Республикасында атыс оқ-дәрілері шығарылмайтынын айта кетейік. Бұл ретте Қорғаныс министрлігінің мұқтаждығы үшін патронға қажеттілік КСРО-ның құлдырауына дейін құрылған қорлар есебінен жабылады. Қазақстан Республикасының Қарулы Күштерін оқ-дәрілермен қамтамасыз ету үшін қазақстандық шикізат пен материалдар пайдаланылады. Бұл жеткізуші елдерден тәуелсіз болуға мүмкіндік береді. Қазақстан Республикасы Қарулы Күштерінің оқ-дәрілермен қамтамасыз етілуі, жалпы алғанда, елдің және өңірдің әскери-саяси қауіпсіздігін арттырады.+

Патрондарды өндіру бойынша жабдықты канадалық Waterbury Farrel компаниясы жеткізеді. Қазақстан патрон зауыты жылына 30 млн дана патрон шығаруға арналған озық құралмен жабдықталады. Технологиялық жабдық инновациялық технологияларды қолдана отырып, әлемдік сапа стандартына сай келеді. Құрастыру және іске қосуды дайындау жұмыстары 2017 жылы өтеді. Монтаждау жұмыстары өндірістік персоналды оқытумен біріктіріледі. Жаңа 164 жұмыс орны ашылады. Осылайша, ауқымды мақсатта қолданылатын оқ-дәрі шығару бойынша кластер құру жоспарланып отыр.