- АҚПАРАТ АҒЫНЫ
- 01 Тамыз, 2016
Еліміздің Олимпиада құрамасы допинг-тестен өтіп жатыр
Тестілеу 20 шілде мен 1 тамыз аралығында Қазақстан Республикасы Ұлттық Олимпиадалық комитетінің президенті Тимур Құлыбаев пен Қазақстан Республикасы Мәдениет және спорт министрі Арыстанбек Мұхамедиұлының тапсырмасымен ұйымдастырылып отыр.
Тест сынамалары Дрезден қаласындағы (Германия) Дүниежүзілік допингке қарсы агенттік аккредиттеуден өткізген тәуелсіз зертханаға жіберілді. Қосымша допинг-тест өткізуге қаржы ҚР Мәдениет және спорт министрлігі жанындағы «Спортты қолдау қоры» корпоративті қорынан бөлінген. Допинг табылған жағдайда спортшыларға ұлттық деңгейде ең қатаң шаралар қолданылатын болады.
ҚР Ұлттық Олимпиадалық комитеті Халықаралық Олимпиадалық комитеттен хат алды. Құжатта ХОК Қазақстанның допингпен күресуге бағытталған іс-шараларын қолдайтыны айтылған.
Естеріңізге сала кетейік, Рио-де-Жанейродағы XXXI жазғы Олимпиада ойындары 5-21 тамыз аралығында өтеді.
ФОТО: Bnews.kz архивінен
599 рет
көрсетілді0
пікір
