АҚПАРАТ АҒЫНЫ
05 Қазан, 2016

Абылай Мырзахметов Қазақстан мен Ресей арасында бірыңғай электронды база құруды ұсынды

Қазақстан мен Ресей арасындағы ІІІ халықаралық ынтымақтастық форумы аясында өткен Қазақстан-Ресей іскерлік кеңесінің ІІІ отырысында «Атамекен» ұлттық кәсіпкерлер палатасының басқарма басшысы Абылай Мырзахметов кәсіпкерлерге қарсы «түрлі кедергі ойлап табатын» мемлекеттік органдардың рейтінгін құруды ұсынды, деп хабарлайды BNews.kz тілшісіне сілтеме жасаған Kazgazeta.kz.

«Түрлі кедергі ойлап табатын мемлекеттік органдардың рейтингін құрып, үкімет басшыларына, Елбасына дейін жеткізу керек. Жыл өткен сайын мұндай тосқауылдар көбейіп келеді. Бірақ, бизнес күтпейді, шыдамайды. Мұнымен күресу үшін ең тиімді тәсіл – рейтинг жариялау. Бұл тізімде кеден мен Ресейдің ауыл шаруашылығының қадағалауы болатындығына күмәнім жоқ. Осы органдарды мұқият қарап шығу керек. Олардың кедергі қоюының негізін анықтау керек», - дейді ол.

Мырзахметовтің ойынша, бұл мәселені шешу үшін Қазақстан мен Ресей бизнесмендері туралы ақпарат жинақталған бірыңғай электронды база құру керек.

«Неліктен алаңдайтындарын түсінеміз. Бірақ, тиімді шешім табуға болады. Электронды база құру керек. Егер ол база өзара біріктірілсе, онда әр пунктте қағаз көрсетіп әуреге салынудың қажеті жоқ. Базада кәсіпкердің адал екендігі көрсетіледі. Сондықтан, онда ешқандай мәселе туындамайды. Ал база бірыңғай болса, оны ресейліктер де көре алады және кәсіпкер Ресейде алаңсыз жұмыс істейді.+
Бұл, алдымен, Қазақстан және Ресей арасындағы ынтымақтастыққа қатысты болып тұр. Біз ЕАЭО аясындағы ең ірі серіктеспіз. Сондықтан, аталған мәселені ЕАЭО аясында ұсыну керек. Әзірге екі ел арасында келіссөздер жүріп жатыр», - деп түйіндеді Абылай Мырзахметов.

603 рет

көрсетілді

пікір