- АҚПАРАТ АҒЫНЫ
- 05 Қазан, 2016
Премьер-Министр жыл соңына дейін қылмыстың алдын алудың кешенді жоспарын әзірлеуді тапсырды
«ҚР Ішкі істер министрлігіне барлық мемлекеттік және жергілікті органдармен бірлесе отырып, осы жылдың 1 желтоқсанына дейін алдағы үш жылға арналған қылмыстың алдын алу үшін кешенді жоспар жобасын әзірлеуді және белгіленген тәртіппен Үкіметтің қарауына ұсынуды тапсырамын», – деді Б.Сағынтаев.+
ҚР Премьер-Министрі осы бағытта жұмысты күшейту қажеттігін атап өтті.
«Біз халықтың нақты қолдауымен жұмысты тексеріп, жүйелеуіміз қажет», – дейді Б.Сағынтаев.
Сонымен қатар, Премьер-Министр әкімдерге Ұлт жоспарына сәйкес жергілікті полиция қызметін нығайтуды тапсырды.
«Жаппай бейнебақылау камераларын орнатып, «Қауіпсіз қала», «Қауіпсіз аула», «Қауіпсіз мектеп» қағидаты бойынша интеллектуалдық жүйесін енгізу қажет. Сондай-ақ, осы мәселе бойынша жауапты тұлғалардың есебін тыңдаймыз», – деді Премьер-Министр.
ФОТО: primeminister.kz
594 рет
көрсетілді3
пікір
