• УЙҒУР АВАЗИ
• 11 Сәуір, 2011

Конкурс елан қилимиз

«Уйғур авази» гезитиниң редакцияси җумһурийәтлик Уйғур мәдәнийәт мәркизи билән һәмкарлиқта Қазақстан Җумһурийити мустәқиллигиниң 20 жиллиғи мунасивити билән мошу шанлиқ сәнәгә беғишланған бәдиий-публицистикилиқ мақалиларға конкурс елан қилиду.

Конкурсқа әвәтилгән мақалиларда елимизниң мустәқилликтә өткән 20 жил җәриянида барлиқ саһалар бойичә қолға кәлтүргән утуқлири, униңға салмақлиқ һәссә қошуватқан кархана, мәһкимә, җәмийәтлик тәшкилатларниң, айрим шәхсләрниң паалийити, милләтләр ара достлуқ вә разимәнликниң ярқин көрүнүшлири өз ипадисини тепиши керәк.

Мақалилар компьютерда терилгән болуп (һәрип һәҗими — 14), көләми 5 бәттин ашмаслиғи вә униң баш тәрипигә «Конкурсқа» дегән сөз йезилиши шәрт.

Мақалилар мошу жилниң 1-декабриғичә қобул қилиниду. Уларни җай-җайлардики почта бөлүмлири, u_avazі@maіl.ru электрон почтиси арқилиқ йоллашқа яки беваситә «Уйғур авази» гезитиниң тәһриратиға әкелип тапшурушқа болиду. Таллавелинған әң яхши мақалилар гезит сәһипилиридә елан қилиниду.

Конкурс йәкүни Қазақстан Җумһурийитиниң Мустәқиллиги күни һарписида чиқирилип, әң яхши дәп етирап қилинған үч мақалиниң муәллипи әллик миң, оттуз миң вә жигирмә миң миқдарида ахчилиқ мукапат билән тәғдирлиниду.