- АҚПАРАТ АҒЫНЫ
- 06 Ақпан, 2020
Ыстамбұлдағы ұшақ апатынан екі отандасымыз зардап шекті
Ыстамбұлдағы ұшақ апатынан екі қазақстандық зардап шекті. Бұл туралы Қазақстан СІМ баспасөз қызметі хабарлады.
Қазақстанның Ыстамбұлдағы бас консулдығының мәліметінше, 2020 жылы 5 ақпанда жергілікті уақыт бойынша 18:00-де Ыстамбұл әуежайында ұшақ апатынан Қазақстанның екі азаматы зардап шеккен. Олар Фатих Сұлтан Мехмет клиникасына жатқызылды.
Еске салайық, Измир - Ыстамбұл рейсін орындаған ұшақ үшке бөлініп қалған. Соңғы мәліметтер бойынша, 3 адам қаза тауып, 179-ы жарақат алған.
Ыстамбұл губернаторы Али Ерикайяның айтуынша, бортта 183 адам болған: 177 жолаушы, оның ішінде екі бала, экипаждың алты мүшесі. Алдын ала мәлімет бойынша, апат себебі - қолайсыз ауа райы.
Фото: © REUTERS
645 рет
көрсетілді0
пікір
