• УЙҒУР АВАЗИ
• 25 Шілде, 2011

Камилниң утуғи

Йеқинда Челәк йезисидики Т.Кенжебаев намидики оттура мәктәпниң спорт залида мәктәп оқуғучилири арисида кик-боксинг бойичә дуния чемпиони Елмурат Райыпжановниң һөрмитигә беғишланған бокс бойичә вилайәтлик турнир болуп өтти. Униңға җай-җайлардин кәлгән 10 — 15 яш арилиғидики һәр хил салмақ дәриҗиләрдики яш боксчилар иштрак қилди.

Кәскин күрәш шараитида өткән турнир йәкүни бойичә, өзиниң салмақ дәриҗидә биринчи орунға Челәк йезисидики А.Розибақиев намидики оттура мәктәпниң 5-синип оқуғучиси Камил Әсқәров сазавәр болди. Турнир ахирида мусабиқә ғалиплириға уюштурғучилар тәрипидин маддий вә мәнивий соғилар тапшурулди.

Өз новитидә, биз келәчигидин көп үмүт күткүзүватқан қабилийәтлик оқуғучимиз Камилниң спорт алимидә йәниму чоң утуқларға еришишигә тиләкдашлиқ билдүримиз.

Зәйнахун ӘЗИЗОВ,

А.Розибақиев намидики оттура мәктәпниң

психологи.

Әмгәкчиқазақ наһийәси.

СҮРӘТТӘ: турнир ғалиби Камил Әсқәров мәшиқләндүргүчиси Адилҗан Мухтаев билән.