• Qazaq gazetteri TV
• 10 Наурыз, 2020

Ержан Байтілес: «Ана тілі» газеті ұлттың жанайқайын жазды (видео)

«Жаңа жұмысқа кіргенімізге екі-ақ күн болған. Бауыржан аға Омарұлының бұйрығымен "Ана тілі" газеті Бас редакторының бірінші орынбасары болып тағайындалғанбыз. «Қазақ газеттерінің» Бас директоры Бауыржан Омарұлы астанаға жиналысқа кеткен. "Ана тілінің" Бас редакторы Мақсат Тәж-Мұрат Атырауда іс-сапарда жүр. Жылдың соңында біздің газет министрліктен қосымша қаржы алыпты да, біз А2 форматпен бір ай бойына 40 беттік газет шығаруымыз керек екен. Дәл осындай аласапыранның үстінен түсіппіз. Газет шаруашылығы біздің мойынға жүктелгесін Бас редактордың орынбасары Darkhan Beisenbekuly екеуміз лездеме өткізіп, 40 беттің жоспарын жасадық». Ержан Байтілес ініміз «Ана тілі» бас редакторының бірінші орынбасары болып қызмет істеген кезін сағына еске алған пікірі бұл. Ал бүгін… Бүгінде Ержан Байтілес Қазақстан Республикасы Президенті Баспасөз қызметінің сектор меңгерушісі. Ол үшін «Ана тілі» ұлт газетінің орны бөлек. Сонымен Ержан бауыр не дейді?!.