• АҚПАРАТ АҒЫНЫ
• 05 Мамыр, 2024

Мәулен Әшімбаев Пасха мерекесімен құттықтады

Мәулен Әшімбаев Қазақстандағы православ өкілдерін Пасха мерекесімен құттықтады. 

«Пасха мейірімділік, сүйіспеншілік, мейірімділік және жанашырлық сияқты заманауи әлемде ерекше маңызды құндылықтарды білдіреді. Олар жеке тұлғаның рухани дамуына, қоғамдағы бейбітшілік пен келісімді нығайтуға негіз болады. Ел Президенті Қасым-Жомарт Кемелұлы Тоқаев әралуандықтағы бірлік – ұлттық бірлікті сақтау мен нығайтудағы негізгі қағидатымыз екенін атап көрсетеді. 

Бұл қағидат қазіргі жаһандық сын-қатерлер жағдайында аса маңызды саналады. Қоғамда өзара сыйластықты сақтау, тарихымызға, салт-дәстүрімізге, ортақ құндылықтарымызға қамқорлық жасау өте маңызды. Бұл өз кезегінде еліміздің ілгері дамуы мен өркендеуінің басты шарты саналады. Бүгінгі таңда Қазақстандағы православ өкілдері еліміздің басқа азаматтарымен бірге ортақ үйіміздегі бейбітшілік пен келісімді нығайтуға зор үлес қосуда. 

Осы мереке күні баршаңызға зор денсаулық, амандық және барлық игі іс пен бастамаларға сәттілік тілеймін. Қазақстандықтардың шаңырағында әрқашан бейбітшілік, бақыт пен өзара түсіністік орнасын», - деді М. Әшімбаев.