• Аймақ тынысы
• 12 Сәуір, 2024

Ақтөбе облысында 80 адам эвакуацияланды

Ақтөбе облысында 80 адамды эвакуациялады, деп хабарлайды Kazgazeta.kz.

Осы сағаттарда Ақтөбе облысы ТЖД бастығы Нұрғали Сырлыбайұлы Жүнісовтың басшылығымен құтқарушылар эвакуациялық жұмыстарды аяқтады.

ҚР Қорғаныс министрлігінің тікұшағында құтқарушылар Мамыр ауылынан Ырғыз ауданына 80 адамды, оның ішінде 53 баланы эвакуациялады.

Эвакуацияланған тұрғындар Ырғыз ауданындағы Т. Жүргенов атындағы мектепке жеткізілді.

Естеріңізге сала кетейік, Торғай өзенінде су деңгейінің көтерілуіне байланысты Ырғыз ауданының аумағында Мамыр елді мекенін су басу қаупі туындады.