Тікелей эфир
Тікелей эфир
МАҢЫЗДЫ
  • АҚПАРАТ АҒЫНЫ
  • 30 Тамыз, 2020

Дана Нұржігіт, сенатор: Күрделі кезеңде Конституцияның рөлі арта түсті  

Сенатор Дана Нұржігіт Ата заңға сәйкесмызғымас ұстындардың кепілі болатын тұлға – Президент екенін және Қасым-Жомарт Кемелұлы Тоқаев осынау қиын шақта, тағдырымыз тарих таразысына түскен кезеңде азаматтардың басты құқықтарының сақталуына бар күшін салып отырғанын жеткізді.

«Ал заң шығарушы органдар өмірдің өзі белгілеп берген өзгерістерге заңдық негіз болатын сапалы құжаттар әзірлеу жоспарын пысықтап, мемлекетіміздің даму бағытын айқындауға белсене атсалысып жатыр» - деді сенатор.

Ол өз сөзінде үшінші мыңжылдықтың үшінші онжылдығы адамзат тарихындағы түбегейлі өзгерістерден басталып отырғанын жәнеол өзгерістер өмірдің барлық саласын шарпығанын,тұрмыс, сана, экономика, саясат, бәрі өзгеріп жатқанын айтты.

Дана Нұржігітова «Болашақ ұрпақ бұл кезеңге баға бергенде пандемия кесірінен немесе пандемияның арқасында деп саралайтын болады. Бірақ осындай тұрақсыздық жағдайындамемлекеттілікті нығайтып, тұрақтылықты, адам өмірін, құқықтары мен бостандықтарын қамтамасыз ететін константа, басты құжат бар. Ол – Конститутция. Қазіргідей күрделі кезеңде Конституцияның рөлі одан әрі арта түскенін көріп отырмыз» - деді.

Сөз соңында сенатор қазақстандықтарды тәуелсіз Қазақстан мемлекетінің басты құжаты, Ата заңымыз қабылданған Конституция күнімен құттықтады.

 

588 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз