• Құмсағат
• 22 Қазан, 2020

Ержан Залилов Ресейде жұдырықтасады

Екінші аса жеңіл салмақта өнер көрсететін қазақстандық боксшы Ержан Залилов кезекті жекпе-жегінің қашан өтетіні белгілі болды.

Беделді BoxRec порталы жерлесіміздің 7 қарашада Екатеринбургтегі RCC бокс академиясында ресейлік Евгений Ляшковпен жұдырықтасатыны туралы ақпарат таратты. Жекпе-жек 8 раундқа жоспарланған.

Залилов пен Ляшков 12 қыркүйекте кездесуі керек еді, бірақ коронавирус инфекциясының алдын-алу бойынша шектеу шараларына байланысты қазақстандықтың елден шығуы қиынға соқты.