Оқудың пайдасы айқын. Алайда, интернет желісінің дамуымен сериал, фильмдер кітаптардың қолданыс аясын тарылтып жіберді.
"Кітап дегеніміз - алдыңғы ұрпақтың артқы ұрпаққа қалдырған рухани өсиеті. Кітап оқудан тыйылсақ, ой ойлаудан да тыйылар едік", - деген еді Ғабит Мүсірепов.
Кітаппен дос болған адамның ой-өрісі кең, сөз мәдениеті жоғары, саналы, жан-жақты болары сөзсіз. Білімнің көзін ашып, ең алғаш ғылым саласын таңытқан, оқытып-үйреткен - кітап.
Ал енді статистикаға көз жүгіртсек:
Ересек адамның оқу жылдамдығы минутына 100-200 сөз, ал есте сақтауы 50% құрайды.
Оқырмандардың тек 3% - ы минутына 500 сөз және 70% есте сақтау қабілетіне ие.
Минутына 300-400 сөз, 50-70% есте сақтау қабілетіңіз болса, бұл кішігірім жетістік.
Сондықтанда өзіңіздің оқу жылдамдығыңызды міндетті түрде тексеріп алыңыз.
"Артық білім кітапта, ерінбе оқып көруге", - деп ұлы ақынымыз Абай жырлағандай ерінбей білім алуға асығайық. Бар білімнің патшасын тек кітаптан ғана таба алатынымызды ұмытпайық.