• Шартарап
• 19 Қаңтар, 2024

Crew Dragon ғарыш кемесі ХҒС-қа сәтті ұшырылды

SpaceX компаниясы төрт адамнан тұратын экипажы бар AXIOM Space коммерциялық миссиясы аясында Халықаралық ғарыш станциясына (ХҒС) Crew Dragon ғарыш кемесін ұшыруды жүзеге асырды, деп хабарлайды  ТАСС.

Трансляция Axiom Space сайтында жүргізілді.

Falcon 9 зымыран тасымалдағышын Кеннеди ғарыш орталығындағы (Флорида) алаңнан ұшыру жергілікті уақыт бойынша 16:49-да болды.

Crew Dragon 20 қаңтарда ХҒС-пен түйіседі деп жоспарланған. Үшінші «Аксиома» ғарыш миссиясының экипажы орбиталық станцияда екі аптаға жуық болып, 30-ға жуық ғылыми тәжірибелер жүргізеді деп жоспарланған.

Экипаж құрамында командир қызметін атқаратын бұрынғы NASA астронавты Майкл Лопес-Алегрия (АҚШ), сонымен қатар ұшқыш Вальтер Вилладей (Италия), миссия бойынша маман Маркус Вант (Швеция) және тағы бір миссия маманы Альпер Гезеравги бар.

2022 жылдың сәуір айында NASA мен Axiom Space ХҒС-қа толық коммерциялық экипажды жеткізу бойынша бірінші миссияны орындады. Бизнесмендер Ларри Коннор, Эйтан Стиббе және Марк Пэти, сондай-ақ NASA-ның бұрынғы астронавты Майкл Лопес-Алегрия 8 сәуірде Crew Dragon бортында ХҒС-қа барды, ал ғарыш туристері дәл келесі күні станцияда болды. Олар онда шамамен 10 күн тұруы керек еді, бірақ Флорида жағалауындағы қолайсыз ауа райы экипажды мұхитқа түсіруге кедергі келтіруі мүмкін болғандықтан, экипаж станцияда 15 күн болды.

Фото: Axiom Space