• Аймақ тынысы
• 11 Наурыз, 2024

Жарма ауданында 17 мың гектардан астам жер мемлекетке қайтарылды

Жарма ауданының прокуратурасы жергілікті шаруа қожалықтарының бірі өзіне берілген 17 мың га-дан астам жер телімдерін ұзақ уақыт пайдаланбай, үшінші тұлғаларға қосалқы жалға бергенін анықтады, - деп хабарлайды Абай облысының прокуратурасы.

 Сот шешімімен бұл жер учаскелері мемлекет пайдасына алынды, олардың кадастрлық құны 329 млн. теңгені құрады.

   Қазіргі уақытта оларды басқа мұқтаж жер пайдаланушыларға, соның ішінде инвестициялық жобаларды жүзеге асыру үшін жергілікті инвесторларға беру мәселесі шешілуде.