• АҚПАРАТ АҒЫНЫ
• 26 Наурыз, 2024

Ғылым және жоғары білім министрлігі мен «Қазақ тілі» қоғамы меморандумға қол қойды

ҚР Ғылым және жоғары білім министрлігі мен Халықаралық «Қазақ тілі» қоғамы өзара ынтымақтастық туралы меморандумға қол қойды, - деп хабарлайды kazgazeta.kz.
Қол қою рәсімі барысында министр Саясат Нұрбек пен қоғам президенті Рауан Кенжеханұлы өзара іс-қимылдың негізгі бағыттарын атап өтті. Қазақ тілін цифрландыруға және ғылымда ілгерілетуге баса назар аудара отырып, Тіл саясатын дамытудың 2023-2029 жылдарға арналған тұжырымдамасын іске асыруға ерекше назар аударылды.
Министр жасанды интеллектті дамытудың маңыздылығын және мемлекеттік тілді танымал етудегі қоғамдық ұйымдардың рөлін атап өтіп, бұл ынтымақтастық мемлекет пен қоғам арасындағы сапалы өзара іс-қимылға күшті серпін беретініне сенім білдірді.
«Қазақ тілі» қоғамының президенті меморандумның мемлекеттік тілді дамыту үшін маңыздылығына, сондай-ақ оны нығайтуға бағытталған ауқымды жобаларды іске асыру жоспарларына назар аударды.