- Аймақ тынысы
- 26 Наурыз, 2024
78 балабақша тәрбиеленушісіне азық-түлік үшін өтемақы төленбеген
Сандықтау ауданының прокуратурасы мектепке дейінгі ұйымдар тәрбиеленушілерінің құқықтарын қорғады, - деп хабарлайды Ақмола облысының прокуратурасы.
Кәмелетке толмағандардың құқықтарының сақталуын талдау барысында 78 балабақша тәрбиеленушісіне азық-түлік үшін өтемақы төленбеу фактілері анықталды.
Ақмола облысы әкімдігінің қаулысына сәйкес, азаматтардың жекелеген санатындағы азық-түлік шығындары мемлекет есебінен өтеледі.
Азаматтардың бұл санаттарына көп балалы отбасылар, АӘК-ге мұқтаж отбасылар және халықтың осал топтарына жататын басқа да адамдар жатады.
Ал, аудандық білім бөлімі көп балалы аналар мен халықтың әлеуметтік осал топтарына жататын отбасыларды азық-түлікке өтемақы төлеу тізіміне енгізбеген.
Осылайша, олардың мектепке дейінгі ұйымдардан тегін тамақ алу құқығын бұзған.
Прокурорлық ден қою шаралары балабақшалардағы 78 балаға азық-түлік шығындарын өтелді.
Бұзушылықтар үшін білім бөлімінің 4 қызметкері тәртіптік жауапкершілікке тартылды.
176 рет
көрсетілді0
пікір