Тікелей эфир
Тікелей эфир
МАҢЫЗДЫ
  • АҚПАРАТ АҒЫНЫ
  • 05 Сәуір, 2019

FlyArystan арзан билеттері ішкі туризмді жандандырады

Ақпарат және қоғамдық даму министрі Дәурен Абаев «FlyArystan» компаниясының арзан билеттерінің басымдықтарын атады. «Жуырда ғана Елбасының тікелей тапсырмасымен құрылған «FlyArystan» компаниясы Алматы - Нұр-Сұлтан бағытында тікелей рейс ашты. Қазақстандықтар ең көп қатынайтын аралықтағы билеттің бағасы - бар-жоғы 7 мың теңге. Бұл дегеніңіз пойыз билетінен арзан деген сөз. Әлбетте, мұндай сапарлардың өзіндік құны әсте жоғары. Алайда, мемлекет субсидиялау арқылы белгілі бір міндетті өз мойнына алып отыр», - деді Дәурен Абаев «Хабар» арнасындағы «Ашық диалог» бағдарламасында. Министр бұл жұмыстардың бәрі не үшін жасалып жатқанын айтып берді. «Бұл біріншіден, ішкі туризмді жандандырады. Қазіргі таңда біздің отандастарымыз өкінішке қарай Шығыс немесе Батыс Қазақстаннан гөрі, Түркия немесе Мысырдағы курорттық аймақтарды жақсы біледі. Себебі, бұрын баға басқа еді. Мысалы, Ақтауға дейінгі билет бағасы туристік сапардың бағасымен бірдей болып шыға келетін. Қазіргі уақытта қолға алынып жатқан шаралар бұл жағдайды реттеуге мүмкіндік береді. Екіншіден, бұл біздің азаматтардың еңбек және бизнес мобильділігін арттырады», - дейді Дәурен Абаев. Еске сала кетсек, «FlyArystan» компаниясы Алматыдан Нұр-Сұлтанға ұшақ билеттері 6999 теңгеден басталатынын жариялаған болатын. Дереккөз: Қазақпарат

1605 рет

көрсетілді

0

пікір
Алдыңғы мақала ТҮРКІСТАНДА «ЖАҢАРҒАН ТҮРКІСТАН» РЕСПУБЛИКАЛЫҚ ФУТБОЛ ТУРНИРІ БАСТАЛДЫ
Келесі мақала Алматыда джиу-джитсудан «Koktem open-2019» xалықаралық турнирі өтеді

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *