Тікелей эфир
Тікелей эфир
МАҢЫЗДЫ
  • АҚПАРАТ АҒЫНЫ
  • 30 Қыркүйек, 2020

Қазақстандық банктер несиені қашықтан бере бастайды

 
Қазақстан Ұлттық банкі биылғы 1 қазаннан бастап қаржылық қызметтерді қашықтан алу үшін биометриялық сәйкестендіру сервисін пайдаланады, деп хабарлады ҚазАқпарат. 
Бұл сервис «бет-әлпетті тану» технологиясы арқылы қаржылық қызметті қашықтан алу мүмкіндігін көздейді. Яғни, қаржы ұйымына барудың қажеті жоқ. Клиенттерге банк шоттары мен депозиттерді ашу, төлем карточкаларын шығару, кредиттеу сияқты қызмет түрлері көрсетіледі. «Қашықтан биометриялық сәйкестендіруді енгізу әлемдегі күрделі эпидемиологиялық жағдайдың аясында жаңа қауіп-қатерлерге жауап береді. Сервисті қаржы қоғамдастығының пайдалануы халыққа қашықтан көрсету тәсілімен ұсынылатын қызметтер тізімін кеңейтеді», - деді ҚР Ұлттық банкі төрағасының орынбасары Есжан Біртанов.
 
 Атап өтілгендей, аталмыш сервис банктерге, сақтандыру компанияларына, бағалы қағаздар нарығының кәсіби қатысушыларына, төлем және микроқаржы ұйымдарына қолжетімді. «Сервисті Ұлттық банк қаржы нарығына қатысушылармен бірлесіп әзірледі. Жүйе биыл сәуірде пилоттық режимді іске қосылды. Осы уақыт ішінде сервис екінші деңгейдегі 11 банкке халыққа 2,8 млн банк қызметін көрсетуге мүмкіндік берді. ҚР Ұлттық банкі іске асыратын қашықтан сәйкестендіру тетігі Қазақстанның қаржы секторын цифрландыру жолындағы тағы бір қадам болып табылады. СДАО сервисіне қосылуға мүдделі болған жағдайда қаржы нарығына қатысушылар +7-7272-50-66-26 телефоны бойынша ҚБЕО-ға өтініш бере алады», - делінген Ұлттық банк ақпаратында. Жүйенің операторы – Ұлттық Банктің еншілес ұйымы «Қазақстан банкаралық есеп айырысу орталығы» РМК.

                                                                24.kz

31 рет

көрсетілді

0

пікір
Алдыңғы мақала Юлия Путинцева Ролан Гаррос турнирінің үшінші айналымына шыға алмады
Келесі мақала Тоқаев Кувейт әміріне көңіл айтты

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *