Тікелей эфир
Тікелей эфир
МАҢЫЗДЫ
  • АҚПАРАТ АҒЫНЫ
  • 16 Қазан, 2020

Қызылордада қауыннан чипси жасалады

Қызылордалық кәсіпкер қауыннан чипсы жасап шығаруда. Ерекше бастаманы ауыл шаруашылық ғылымының кандидаты, Қорқыт ата атындағы Қызылорда университетінің ғалымы қолға алған.

Өз кәсібін ашқан ғалым жаңа өнімді кептірілген бақша дақылынан дайындайды. Тәжірибе жүзінде чипсиды екі түрлі формада көпшілікке ұсынуда. Қауын чипсиларын дайындау үш кезеңнен тұрады. Алдымен піскен қауын мұқият тазаланып, жұқа тілімдерге кесіліп, үшінші кезеңінде дайын бөліктері 12 сағаттан аса уақыт кептіріледі. Бастысы өнім экологиялық тұрғыдан таза. Кәсіпкердің айтуынша ерекше дәмнен ауыз тиген жандар бұл өнімнің тұрақты тұтынушысына айналады.

Бұған дейін де бақша дақылдарына түрлі тәжірибе жасап жүрген ғалым нарықта кездеспейтін өнім шығару мен әртүрлі сорттарын егуді де қатар алып келеді. Ауыл шаруашылық саласымен кәсібін сабақтастырған кәсіпкер енді өз кәсібінің көкжиегін кеңейтуге басымдық беріп отыр. "Бизнестің жол картасы 2020-2025" мемлекеттік бағдарламасына құжат тапсырып, бастамасы қолдау тауып, 2 млн. 500 мың теңге қайтарымсыз қаражатқа да ие болып үлгерген.

Айта кетейік, қала әкімдігі "Нәтижелі жұмыспен қамту", "Еңбек" , "Қарапайым заттар экономикасы" , "Бизнестің жол картасы 2020-2025" мемлекеттік бағдарламалары негізінде кәсіп бастауға ниетті азаматтарға ерекше қолдау білдіріп келеді.

                            

144 рет

көрсетілді

0

пікір
Алдыңғы мақала Еліміздің ең үздік 100 студенті анықталады
Келесі мақала 166 адам  пневмонияға шалдығып, 2 науқас қайтыс болды

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *