• Шартарап
• 17 Қаңтар, 2024

Санкт-Петербургте Кеңес Одағының Батыры Әлия Молдағұлованы еске алды

Кеңес Одағының Батыры Әлия Молдағұлованың ерлігінің 80 жылдығына орай қазақстандық дипломаттардың қатысуымен шара өтті, - деп хабарлайды kazgazeta.kz СІМ баспасөз қызметіне сілтеме жасап.

Қазақстан Республикасының Санкт-Петербург қаласындағы Бас консулы Дмитрий Михно Кеңес Одағының Батыры Әлия Молдағұлованың ескерткішіне гүл шоқтарын қойды.

Қазақтың қаһарман қызы білім алған, қазіргі уақытта Ә. Молдағұлова атындағы мемориалдық мұражайы бар №140 мектепте, Бас консулдық өкілдерінің, әскери академия студенттерінің, директордың, сонымен қатар мектеп оқушыларының қатысуымен қазақ халқының даңқты қызының ерліктеріне арналған дөңгелек үстел өтті.