- АҚПАРАТ АҒЫНЫ
- 04 Ақпан, 2015
Банкирлер теңге курсын түзету немесе шекараны жабуды ұсынды
Қазақстандағы банк секторының ел экономикасын несиелендіруге мүмкіндігі жоқ. Бұл туралы "Қазақстан Халық банкі" АҚ басқарма төрайымы Үміт Шаяхметова мәлімдеді деп хабарлайды Астана арнасы.
"Бүгін біз қарапайым түрде теңгенің тапшылығын көріп отырмыз. Әсіресе банк секторында. "Ұлттық банктен" 15 пайыздық жарнамен алатын қаражат теңгенің өтелімін қамтамасыз етіп отыр. Ал енді экономиканы несиелендіру туралы айтар болсақ, банк секторында қаражат жоқ. Жаңа кәсіпорындарды айтпағанда, жұмыс істеп тұрған кәсіпорындарға көмек көрсету қиынға түсіп отыр", - дейді "Қазақстан Халық банкі" АҚ басқарма төрайымы Үміт Шаяхметова. Сондай-ақ ол бұл өтелмейтін несиелер мәселесіне алып келуі мүмкін екенін айтты. Қазірдің өзінде кей компаниялардың жұмысшылар алдында қарыздары бар. Кәсіпорындардың алған қаражаттарын өтей алмауы, отандық экономиканың дамуын тежейтінін атап өтті. Үміт Шаяхметова, қазіргі жағдайда отандық өндірісті қолдау үшін, екі жол болуы мүмкін, дейді: теңге курсын түзету немесе шекараны жабу. Бірақ, оның ойынша, шекараны "жабу" - Қазақстан экономикасы үшін тиімді әрі жеңіл "соққы" болады. nur.kz1147 рет
көрсетілді0
пікір