• УЙҒУР АВАЗИ
• 24 Қаңтар, 2011

Электр қувитиниң баһаси өсиду

2011-жили электр қувитиниң баһаси 12,5 — 14 пайизға өсиду, дәп хәвәр қилди йеқинда Тәбиий монополияләрни рәтләш агентлиғиниң рәиси Нурлан Алдабергенов. Униң сөзичә, «инвестициялик мәҗбурийәтләрни қобул қилиш бойичә станцияләрдики баһаларниң өсүши» электр қувити баһасиниң өсүшигә, шундақла электр қувити вә тармақлири секторини заманивийлаштурушқа бағлиқ инвестиция программилири сәвәп болуватиду. Рәисниң ейтишичә, 2009-жили баһаларни өстүрүш һесавиға мәзкүр секторға 65 миллиард тәңгә инвестиция җәлип қилинған болса, 2010-жили 85 миллиард тәңгә әвәтилгән. 2011-жили мәзкүр секторниң пәқәт станциялири үчүн инвестиция 121 миллиард тәңгини тәшкил қилиду.

Бу ахча электр қувитини ишләп чиқириш станциялирини заманивийлаштурушқа сәрип қилиниду, дәп қошумчә қилди Нурлан Алдабергенов.