• Шартарап
• 18 Қыркүйек, 2020

«Форрест Гамп» кітабының авторы өмірден өтті

«Форрест Гамп» кітабының авторы Уинстон Грум АҚШ-та 77 жасында өмірден озды.

Бұл туралы Алабама штатына қарасты Фэрхоп қаласының мэрі Кэрин Уилсон мәлімдеді.

«Көңілім құлази отырып досымыз Уинстон Грумның қазасы жайлы хабарлаймын. Фэрхоп қаласы бүгін аңыз автордан айырылды», – делінген мэрдің Facebook-тегі жазбасында.

«Форрест Гамп» кітабы 1986 жылы автордың ең танымал туындысы атанды. Бұл негізінен осы кітаптың негізінде түсірілген фильмнің жарыққа шығуымен байланысты. Фильм алты «Оскар» сыйлығын алған.

24.kz