Тікелей эфир
Тікелей эфир
МАҢЫЗДЫ
  • Құмсағат
  • 29 Қыркүйек, 2020

Елена Рыбакина Ролан Гаррос турнирін сәтті бастады

Қазақстанның бірінші, әлемнің 18-ракеткасы Елена Рыбакина Ролан Гаррос турнирін сәтті бастады

Парижде өтіп жатқан Франция ашық чемпионатының 14-ракеткасы болып тіркелген Е.Рыбакина бастапқы кездесуін рейтингте 83-орында тұрған румыниялық Сорана-Михаэла Кырстямен өткізді.

Қазақстандық теннисші биыл 21-ге толса, тәжірибелі қарсыласы 30-да еді. Бірінші партияда үш бірдей брейкке қол жеткізген Е.Рыбакина румыниялық спортшыға бірде-бір гейм берген жоқ – 6:0.

Екінші сетте есеп 2:1 болған мезетте қазақстандық спортшы брейкпен алға кетті – 3:1. Дегенмен румыниялық теннисші де брейк жасап, есепті қысқартты – 3:4.

Бірақ Рыбакина сол бойда қарымта қайырып, сосын матчқа доп бергенде, қателескен жоқ – 6:3. Бәсеке 1 сағат 3 минутқа созылды. Е.Рыбакина екінші айналымда әлемнің 49-ракеткасы, франциялық Фиона Ферро немесе рейтингте 56-сатыдағы ұлыбританиялық Хитер Уотсонның біреуімен шеберлік байқасады.

Бүгін қазақстандықтардан алғашқы айналымда соңғы болып рейтингте 76-орында тұрған Зарина Дияс кортқа шығады.

Ол әлемнің 35-ракеткасы, Тунис өкілі Онс Жабермен сынға түседі. Мұның алдында Ю.Путинцева, М.Кукушкин және А.Бублик те Ролан Гаррос турнирін жеңіспен бастаған болатын.

36 рет

көрсетілді

0

пікір
Алдыңғы мақала Әлімханұлы: Канело немесе Андрадемен жекпе-жек өткізгім келеді
Келесі мақала Дидье Дрогба УЕФА президентінің сыйлығын алады

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *