• АҚПАРАТ АҒЫНЫ
• 01 Ақпан, 2018

Бақытжан Сағынтаев Экономика жөніндегі сараптама кеңесінің отырысын өткізді

Бүгін Үкімет үйінде ҚР Премьер-Министрі Бақытжан Сағынтаевтың төрағалығымен Экономика жөніндегі сараптама кеңесінің отырысы өтті.

Отырыс барысында Төртінші өнеркәсіптік революцияның ел экономикасының нақты секторына әсері мәселелері талқыланды. «Сентранс» АҚ директорлар кеңесінің төрағасы Е. Әбдіразақов отырыс қатысушыларына Үшінші технологиялық революция тұрғысынан жаңа экономикалық өсім моделін әзірлеу бойынша зерттеуді ұсынды.

Талқылауға ҚР Премьер-Министрінің орынбасары Е. Досаев, ұлттық экономика министрі Т. Сүлейменов, инвестициялар және даму министрі Ж. Қасымбек, «Астана» халықаралық ғылыми кешені» орталығының басшысы А. Боранбаев, «Қазақ мұнай және газ институты» АҚ бас директорының кеңесшісі Ж. Күлекеев, «Атамекен» ҰКП басқарма төрағасы А. Мырзахметов, «Ракурс» экономикалық талдау орталығы» қоғамдық қорының директоры О. Жандосов, «Oil Gas Project» ЖШС директоры Ж. Ахметов, «Қазақстан халық банкі» АҚ басқарма төрағасы Ү. Шаяхметова, «Қоғамдық мәселелерге талдау жасау орталығы» қоғамдық қорының директоры М. Махмұтова және басқалары қатысты.