Меркі ауданында мүмкіндігі шектеулі балаларға арналған оңалту орталығы ашылды

1809

Жамбыл облысындағы Меркі ауданында мүмкіндігі шектеулі балаларға арналған оңалту және бейімдеу орталығы ашылды, — деп хабарлайды 24.kz. арнасына сілтеме жасап kazgazeta.kz.

Орталықта 25 жеткіншек арнайы медициналық сараптамадан өтіп, тегін ем қабылдауда.

Құны 52 миллион теңге болатын әлеуметтік нысанда 29 маман жұмыс істейді. Ғимарат іші ойын бөлмесі, баланың ой-санасын дамытатын ойыншықтармен толтырылса, дене шынықтыру бөлмесі арнайы құрылғылармен жабдықталған. Сондай-ақ мұнда ерекше балалардың сенсорлық қабілетін және ұсақ қол моторикасын дамытуға арналған құралдар қарастырылған.

«Біздің оңалту орталығы 25 балаға ашылған, жеке оңалту бағдарламасы бойынша балалар келеді», — деді мүгедек балаларды оңалту және бейімдеу орталығының директоры Клара Ракаева.

Меркі ауданында екі жарым мыңнан аса мүмкіндігі шектеулі жан бар. Олардың 357-сі – бір жарым жастан 18 жасқа дейінгі сал ауруы мен қимыл тірек қозғалысы дамымаған жеткіншек. Алдағы уақытта орталықта емделушілердің санын көбейтіп, жылына 5 баланы сауықтыру жоспарланып отыр.




ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *