Теңге ешқашан мұнша қымбаттамаған

497

Өткен жұмыс аптасының аяғында доллардың құны, бірсарынды жылжи отырып, тарихи максимумына – 390 теңгеге жетті. Доллардың ресми бағамы 2-ші қазанда, бір тәулікте 48 тиынға артып, 388,47 теңгені құрады.

Осымен үшінші рет америка­лық валюта 388 теңгеден асып түс­ті.
Мәселен, 4-ші қыркүйекте бағам бұл белгіден 28 тиынға жоғары болған еді. Келесі күні – 18 тиынға асып түсті. Сонымен, «америкалық көк қағаз» дәл қазір осыншама қымбат тұрмапты. Оған қоса, сол күннің Қазақстандық қор биржасындағы алғашқы мәмілелерінің нәтижелері бойынша біздің валюта бағамы, 27 тиынға өсіп, 390 теңгеге қарай жылжи түсті (1-инфографика).


Тамыздан бастап, тіпті айтар­лық­тай сыртқы және ішкі оқиға­ларға қарамастан, теңге іс жүзінде 387+-2 тар дәлізінен шықпай саудалануда. Бұл тіпті жекелеген мамандардың: «шындап келгенде, Ұлттық банк ерікті бағам құру саясатынан бас тартқанын» ашық айтуға да мәжбүрлеп отырғанын мойындатқандай.
Дегенмен де, жалпы алғанда, тең­ге «сыртқы қоздырғыштарға» жауап береді. Мысалы, 1 қазанда мұнай бағасы құлдырап кетті. Басты себеп – Сауд Арабиясында мұнай өндіру деңгейін ашып көрсетуі. Бағалардың құлауы аясында, ұлттық валютамыз жаңа минимумға дейін әлсіреп, теңгеге қосымша қысым түсті.

ЕВРО ҚҰЛДЫРАУ  ҮСТІНДЕ

Доллар қымбаттап жатқанда, евро құны төмендейді (2 қазандағы ресми бағам – 423,12 теңге). Соңғы рет евровалюта мамыр айында арзандаған болатын. Жыл басынан бері бағам 16,25 теңгеге (3,7%) төмендеген. Алайда, мұның себебі теңгенің күшейе түскені емес, бәрінен бұрын Еуроодақ аймағы­ның мәселелері аясында (экономика­лық өсімнің қарқыны төмендеуі) евроның әлемдік нарықта әлсіреуі салдарынан болып отырған жайт.
Егер жылдың басында 1 евроға шамамен 1,15 доллар беру қажет болса, қазан айының басында бағам 1,09 долларға дейін құлап кетті. Соңғы рет евровалюта америкалық валютаға шаққанда осынша төмен 2017 жылдың бірінші тоқсанында құлдыраған екен (2-инфографика).


Рубльге қатысты айтар болсақ, оның құны тағы да 6 теңгеден төмен түсіп кетті. 2-ші қазандағы бағам – 5,97 теңге. Сәуірдің ортасынан бері ресейлік валюта, тек анда-санда ғана төменгі деңгейге дейін түсіп кетіп, 5,9-6,1 теңге ауқымында тербеледі. Сонымен қатар соңғы апталарда мынадай үрдіс қалыптасып отыр: егерде доллар бағамы ұлғайса, рубль құлдырап кетеді. Немесе жағдай ке­рі­сінше өрбиді (3-инфографика).

 

Иса Қамбар




One thought on “Теңге ешқашан мұнша қымбаттамаған

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *