Астанада «Мықты дәрігер» фотокөрмесі өтеді

1766

Президенттің 2018 жылғы 5 қазандағы Жолдауын іске асыру мақсатында Астанада «Мықты дәрігер» медициналық сурет көрмесі өтеді. Көрме Қазақстан Республикасы Тұңғыш Президентінің күніне орай ұйымдастырылып отыр.

Іс-шара Қазақстан Республикасының Ұлттық мұражайы ғимаратының алаңында №2 көпбейінді қалалық аурухананың ұйымдастыруымен өтетін болады.

Іс-шараны салтанатты түрде Астана қаласы әкімінің орынбасары Ермек Аманшаев ашады және мерекелік іс-шараға Астана қаласының қоғамдық денсаулық сақтау басқармасы басшысы Қамалжан Надыров, сондай-ақ ҚР Парламенті Мәжілісінің депутаты Зауреш Аманжолова қатысады.

«Мықты дәрігер» сурет көрмесі аясында фотограф Марат Амировтың жұмысы ұсынылатын болады, онда заманауи дәрігерлердің операциядағы, консультациядағы және мамандардың медициналық қабылдауларындағы образдары әр қырынан көрсетіледі.

Бұдан басқа, сурет көрмесінің бағдарламасында №2 көпбейінді қалалық ауруханасының ерекшелігі туралы бейне роликтің тусау кесерін көрсету жоспарланған және Қазақстан Республикасының Еңбек сіңірген қайраткерлері, ҚР Тұңғыш Президентінің Премия Қорының лауреаттарының, «Серпер» жастар премиясының және «Астана мюзикл» театры артистерінің музыкалық концерттік нөмерлерімен сүйемелденеді.

 

 




ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *