• Айна
• 11 Қараша, 2019

Нұр-Сұлтанда жарықтың сөнуіне байланысты Тоқаев тергеу жургізуді тапсырды

Қасым-Жомарт Тоқаев Нұр-Сұлтан қаласында электр қуатын сөндірілуіне кінәлі шенеуніктерді анықтауды тапсырды. Бұл туралы Мемлекет басшысының баспасөз қызметінің жетекшісі Берік Уәли Facebook желісінде жазды.

"Мемлекет басшысы Қасым-Жомарт Тоқаев Елорданың басым бөлігінде жарықтың сөніп қалуына әкеп соқтырған апатты жағдайға байланысты Үкіметке арнайы комиссия құруды тапсырды. Оған вице-премьер Роман Скляр төрағалық етеді. Комиссия мұқият зерттеу жүргізіп, кінәлілерді анықтап, қажет болған жағдайда істі құқық қорғау органдарына өткізеді. Президент Үкімет пен Нұр-Сұлтан қаласының әкімдігінен алдағы уақытта мұндай жағдайларға жол бермеу үшін шұғыл шаралар қабылдауды талап етті", - деп жазды Берік Уәли.