Түркістанда Шəмші Қалдаяқов ескерткіші бой көтерді

Тәуелсіздік күні қарсаңында Түркістан қаласында əйгілі композитор Шәмші Қалдаяқовқа ескерткіш орнатылды. Ескерткіш «Ақжайық» музыка мектебінің алдында орын тепті. Композицияның ашылу салтанатына облыс әкімі Өмірзақ Шөкеев, ҚР Парламенті Сенатының депутаты Әлімжан Құртаев, Халықаралық «Алаш» әдеби сыйлығының лауреаты Көпен Әмірбек, музыкалық продюсер Қалдыбек Құрманалиев, «Ш.Қалдаяқов» пойызымен Алматыдан арнайы келген қонақтар, зиялы қауым өкілдері мен журналистер қатысты.

Түркістан облысы – қазақ даласына қаншама дарынды сыйлаған киелі мекен. Əнімен кең даланы тербетіп, «қазақ вальсінің королі» атанған, Қазақстан Республикасы Әнұранының авторы Шәмші Қалдаяқовтың биыл туғанына 90 жыл толып отыр. Отырарда туып, ән падишаһы атанған, қайталанбас дарын иесінің есімін ұлықтау – бізге артылған абыройлы міндет. Түркістан қаласының жаңа орталығында бой көтерген композитордың ескерткіші – облыс жұртшылығына, қазақ еліне мереке қарсаңында тамаша тарту болып отыр», - деді облыс әкімі.