Тікелей эфир
Тікелей эфир
МАҢЫЗДЫ
  • Qazaq gazetteri TV
  • 06 Мамыр, 2021

«Қазақ сахнасының ірі тұлғасы» көрмесі өтті

Әуезов атындағы Қазақ ұлттық драма театры  С.Қожамқұлов атындағы Жезқазған қазақ музыкалық-драма театрымен бірлесе отырып,  ҚазССР Халық әртісі, Социалистік Еңбек Ері Серке (Серәлі) Қожамқұловтың 125-жылдығына арналған «Қазақ сахнасының ірі тұлғасы» көрмесін өткізді.

Іс-шараға Алматы қаласы Мәдениет басқармасы басшысының орынбасары Д.Абзалиденұлы, М.Әуезов атындағы Қазақ ұлттық драма театры директорының орынбасары Ж.Толғанбай, театр директорының кеңесшісі, режиссер Е.Обаев, режиссер Ә.Рахимов, театр музейінің жетекшісі Н.Тамабекқызы, Серке Қожамқұловтың қызы М.Қожамқұлова және С.Қожамқұлов атындағы Жезқазған қазақ музыкалық-драма театрының директоры Д.Сәкенұлы қатысып,ақ пейіл, ақжарма тілектерін жеткізді.

Театр  музейі  қорынан арнайы «Қазақ сахнасының ірі тұлғасы» атты  ұйымдастырылған көрменің  лентасын Мәриям Қожамқұлова және  режиссер Әубәкір Рахимов  қиды.

Тақы­рып­тық һәм хронологияық тұр­ғыдан жүйелі топтастырылған маз­мұнды көрмеден театр жан­күйерлері актер­­дің көзі тірісінде пайдалан­ған жеке заттары мен ойнаған спек­такль­дерінде киген кос­тюм­дерін, сондай-ақ театр сах­насы мен экранда сомдаған рөл­дерінен тізбек­телген фотосу­реттер галерея­сын тамашалап, көзайым болды.

Көрме кәсіби ұлттық театр өнерінің негізін қалаушылардың бірі Серке Қожамқұловтың бейнесін  жаңғырту, театр тарланының шығармашылық өмір жолын өскелең ұрпаққа насихаттауды мақсат етеді.

Көрменің салтанатты ашылу рәсімінен соң қарашаңыраққа жиналған қауым Ғ.Мүсіреповтің «Қыз Жібек» музыкалық драмасын тамашалады.

 

5187 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *