- Аймақ тынысы
- 18 Желтоқсан, 2021
Нұр-Сұлтан–Қарағанды тасжолында бес көлік соқтығысты
Жол апатынан Volkswagen көлігіндегі үш жолаушы дене жарақатын алды, деп хабарлайды Нұр-Сұлтан қаласының ПД баспасөз қызметі.
Полиция мәліметінше, 17 желтоқсанда сағат 14:13 шамасында Audi автокөлігінің 34 жастағы жүргізушісі Нұр-Сұлтан-Қарағанды тасжолымен Армандастар көшесіне қарай бара жатып, ара қашықтықты сақтамай, Volkswagen көлігіне соқтығысқан. Volkswagen алда тұрған Škoda көлігін соққан.
Артынша, Kia автокөлігі Audi-мен соқтығысқан. Audi қарсы қозғалыс жолағына шығып, Honda маркалы автокөлікке түйіскен.
Жол апатынан Volkswagen-нің үш жолаушысы дене жарақатын алды, олар ауруханада дәрігерлер тексергеннен кейін үйлеріне жіберілді.
507 рет
көрсетілді0
пікір