• Мотивация
• 21 Желтоқсан, 2021

Психологиялық тест. Суретке қарап, өзіңді таны

Неге айнала қоршаған ортаңыз сізді ерекше жан санайды? Сіз көпшілікке  қандай қасиеттеріңізбен ұнайсыз? Неге сіздің тартымдылығыңыз біреулердің көреалмаушылығын тудырады? Тестті құрастырған психологтар бұл сұрақтарға мына қысқа ғана психологиялық тест арқылы жауап табуға болады деп санайды. Сізге қай шырша ұнайды?! 

Бірінші шырша 

Өзіңізге деген сенімділігіңіз бен еркіндігіңіз - сіздің айналаңыздағы адамдарға ұнамайды. Біреулер мен туралы не ойлайды деп төменшіктемей, өз бақытыңыз үшін күресе алатын қасиетіңізді жақтырмайды. Бірақ сіз ондай көзқарастарды елемей, тек алға ұмтыласыз. Сол қасиетіңізбен биіксіз. 

Екінші шырша

Сіз таңғажайып оқиғаларға құмарсыз. Сондықтан батылсыз, кез келген жағдайға дайынсыз. Осындай өмірге құштарлығыңызға айналаңыздағы адамдар қызыға да, қызғана қарайды. Өміріңіз қызықты сәттерге толы. Өмірдің әрбір сәтін бағалайсыз. Қашанда ғажап хикаялардың ортасында жүресіз.

Үшінші шырша

Сіз өте ашық-жарқын, позитив жансыз. Жүрген жеріңізді мерекеге айналдырып жүретін, барлық адамның назарын аударатын ашықтығыңыз кейбір адамдардың қызғанышын тудырады. Қиын жағдайдың өзінде әзіл айтып, қиындықты күліп жүріп еңсеру екінің бірінің қолынан келмейді. Өміріңізде кездескен сәтсіздіктерден сабақ алып, тек жақсылыққа ұмтылатын сіздей жандар расында көп емес.  

Төртінші шырша

Сіз кіммен болса да тез тіл табысатын және айналаңыздағы адамдарды өзіңізге үйіріп алатын жансыз. Жүрген жеріңізде жарқырап, көзге бірінші боп түсесіз. Алайда сізді ерекшелендіретін ең басты қасиетіңіз - сіздің сыртқы әдемілігіңізден бұрын жағымды мінезіңіз. Кез келген адамның жүрегіне жол табатын тартымдылығыңызға өзгелер қызғанышпен қарайды.