• Құмсағат
• 04 Қаңтар, 2022

«Қайрат» ойыншысы Конференция лигасының үздіктері қатарына енді

Конференция лигасы Instagram-да топтық кезеңде допты тартып алу бойынша үздік футболшыларды атады, деп хабарлайды Prosports.kz. 

Қарсыластан допты тартып алу бойынша «Қайрат» қорғаушысы Маки Баньяк үздіктер қатарында - ол 71 рет қарсыласты допсыз қалдырған. Одан тек австриялық ЛАСК ойыншысы Лукас Гргич қана озып тұр - 73. Тізімде украиналық «Заря», кипрлік «Антортосис» пен голландиялық «Витесс» бар.

Еске салайық, Конференция лигасының топтық кезеңінде «Қайрат» өз тобында соңғы орын алған болатын. Алматылықтар алты матчта екі рет тең түсіп, төрт матчта жеңіліп қалған.