- Аймақ тынысы
- 26 Мамыр, 2023
Ақтөбе полицейлері үш зейнеткерді алдаған жас жігітті ұстады
Ақтөбе полицейлері үш зейнеткерді алдаған жас жігітті ұстады, - деп хабарлайды Polisia.kz.
Ағымдағы жылғы 15 - 16 мамыр аралығында Ақтөбе аумағында 83, 87 және 90 жастағы зейнеткерлерге қатысты алаяқтық жасалды. Алаяқ құрбандарына жақын туысының жол-апатына түскені және осы мәселені шешуге жәрдемдесетіні туралы айтып қоңырау шалған. Нәтижесінде егде жастағы жәбірленушілер жиналған барлық жинақтарынан айырылып, жалпы шығын 5 млн.теңгеден асты.
Жедел-тергеу іс-шаралары барысында Ақтау қаласының 18 жастағы тұрғыны анықталып, ұсталды. Қазақстан Республикасының ҚК-нің 4-тармағының 190-бабы 3-бөлігі бойынша сотқа дейінгі тергеп-тексеру жүргізіледі - «ірі мөлшерде, екі және одан да көп адамға қатысты алаяқтық».
ҚПК-нің 201-бабына сәйкес сотқа дейінгі тергеп-тексеру деректері жария етілуге жатпайды.
335 рет
көрсетілді0
пікір