• Мотивация
• 26 Шілде, 2023

Ақылды адам күн сайын жаңа өмір бастайды 

- Идеялар толығымен орындалып шыға келмейді. 
Тек олармен жұмыс істей бастағанда ғана анық  бола бастайды. Сенің  бастауың ғана керек. Бақыттың есігі іштен ашылады.

- Су мен тастар кездессе, су әрқашан жеңеді. Күште емес, табандылықта. Басқаларды сынағанша, өзіңді жетілдірумен айналыс. Бүгін ауыртқан, қиындық тудырған нәрсе ертең сені күшті етеді.

- Нені елемей тұрғаныңа назар аудар. Кейде елемеген нәрсең саған ең қажет нәрсе болатын кез бар. Білу өнері деп нені елемеу керектігін білуді айтады.

- Ешкімнен достықта немесе қарым-қатынаста болуды тілеп сұрама, жалынба. Өзің сияқты көңіл бөліп, күш салып, тырмыспаса, ол байланысты ұмыт. Кейде белгілі бір нәрселерді қоя беру қорғану мен жабысудан әлдеқайда күшті әрекет болмақ.

- Үндемеу және  күлімсіреу өте қуатты амал мен  құрал. Күлімсіреу - көп мәселені шешудің жолы болса,  үндемеу - көптеген мәселелерден аулақ болудың жолы. Ризашылық білдіретін нәрсе әрқашан, әрқашан, әрқашан бар, бар бола береді. Өміріңнің бірде-бір күніне  өкінбе.

Ұша біл, Самға!  Өзіңді жеңе біл.
Ешкімге ұқсаудың қажеті жоқ! Ешкімде әуелден  күшті әрі мықты болған емес! Сен ол- сенсің! Сен біреу ғанасың!

 
Амантай Тойшыбайұлы   
"АДАМ БОЛ" кітабынан.
Фото: Британдық суретші Адриан Честерманның туындысы