- УЙҒУР АВАЗИ
- 30 Сәуір, 2010
Қутлуқ күн
Ђәмшит Розахунов
Гүлбаһарниң һөснидин көрки бөләк йәр-көкниң,
Ђими ихлим қәлбидә кәйпи роһий өрликниң.
Үзләрдә — хуш тәбәссүм, нур чақнайду көзләрдә,
Тойи бүгүн әлдики интипақлиқ, бирликниң.
Яшар инақ, паравән кәң тутқанлар пәйлини,
Һәммини тәң көргәнләр елишқа һәқ бәйгини.
Хәлиқни бар арзуси, арминиға йәткүзәр —
Чин достлуқниң муқәддәс күни бүгүн, мәйрими!
Бар адәмзат әқилгә келидиған күн бүгүн,
Әркинликни әтива билидиған күн бүгүн.
Йоли болмай, бәхтигә қоли йәтмәй жүргәнгә,
Қериндашлиқ, һисдашлиқ қилидиған күн бүгүн...
Достлар билән намайиш қилип изгү оюңни,
Әзиз хәлқим, тойла бир пикирдашлиқ тоюңни.
Паклиғиңға дуния көз йәткүзгәндә, әвладиң,
Көпчиликниң сепидә көрәр сениң боюңни!..
Шу үмүттин танмиғин, шу нийәттин айнима,
О, яратқан, сәнму һәм әл бисини қайрима.
...Достлар билән қол тутуп тойланғичә шу күни,
Бирлик, достлуқ, қериндаш, һисдашлиқтин айрима!..
892 рет
көрсетілді0
пікір
