• АҚПАРАТ АҒЫНЫ
• 15 Қаңтар, 2024

"Қазақстан халқына" қорына кімдер қаржы аударды?

«Қазақстан халқына» ҚҚ құрылғанына екі жыл толды. Қордың Басқарма төрағасы Болат Жәмішев оған қай ұйымдар қаражат аударып жатқанын айтты.

"Егер тек 100 млн теңгеден астам ақша аударғандарды алатын болсақ, 196,6 млрд теңгенің ішінде 131 млрд теңгені 60 компания аударды. Оның ішінде 39 ЖШС, 16 АҚ, 5 қор. Негізгі сома қазақстандық кәсіпорындардың есебінен келді. Мәселен, "Самұрық-Қазынадан" 20,6 млрд теңге түсті. Жеке тұлғалардың ірі донорларынан 39 млрд теңге түсті. Сонымен қатар, бізге халықтан да ақша түседі. Жақында, үш компаниядан 500 млн теңге келді. Қызметтің негізгі түрі – құрылыс. Олар осы компаниялардың атауын жарияламауды сұрады. 500 млн теңге балалар мен жастарға протез жасау жобасын іске асыруда пайдалануымыз үшін аударылды", - деп түсіндірді қордың Басқарма Төрағасы Орталық коммуникациялар қызметіндегі дөңгелек үстел отырысында.